小弟今日去咗位於中環海濱活動空間個AIA 歐陸嘉年華 2015。個嘉年華會係15年12月17日開始至明年2月21日。個場做埋農曆新年。收費如下。
成人$125(包10個代幣) / 小童(3-11歲)、長者及殘疾人士$90(包7個代幣)
(每日) 上午11時 ‑ 下午11時 (12小時)
因為入場是要購買門票，一入場就要被入場工作員啫咗張門票一次。之後張門票便無可能再用。我買咗成人門票，有10個代幣。如想入場再買，每10個代幣要收$100。通常攤位每個遊戲用兩個代幣，機動遊戲每位用四個代幣。個場有好多好激機動遊戲，本人無guts上去玩。其他兒童性質活動，本人入場又好似同細路爭野玩，所以都係玩攤位遊戲算。
個場有美食區。同埋有好多供拍照用的裝置。有British Airways 贊助出嚟既國家地標裝置，個背後布景板有英航去該地區航線同埋價錢。非常好既宣傳手法。
門票包咗紫色牛牛入場費。但因為要觀看牛肚劇場是要額外購買門票。門票每場價錢同劇目相連。不同劇場收費不一。建議入場人士可先登入網頁查閱價目及訂票。
有夢要想 