A Disney Christmas 2022

先祝大家聖誕快樂。剛剛收到消息。迪士尼官網宣報「雙重暢玩」以港幣$759入園2次。即日至2023年1月30日任選2天入園及享受樂園額外購物和美食優惠。香港迪士尼樂園度假區將會喺2023年1月13日開始一系列嘅農曆新年節慶活動，StellaLou亦會成為兔年🐰嘅主角，同大家慶祝。咁即係依家買雙重暢玩，可以一票玩盡聖誕及農曆新年。個人認為陳葦璇 Kira，佢個人舞技絶對係 StellaLou 代表人物。

另一則政府新聞是政府在12月13日發布的防疫措施。政府宣布市民明天起12月14日毋須再掃瞄安心出行，只需要在食肆等處所出示疫苗通行證；另外會取消黃碼制度，入境人士均為藍碼，當局指取消「黃碼」，不會增加社區感染的風險。市民毋須再掃瞄安心出行，不過進入食肆、酒吧等的指定場所，仍然要出示疫苗通行證，不過就不一定要用安心出行，可以出示智方便程式或醫健通的疫苗二維碼，以至二維碼的截圖及紙本針卡。圖片取自有線新聞。

未出發去迪士尼參加聖誕派對前，個人建議先登上官網eShop選購聖誕禮物，或登入人氣商品一欄。選購Linabell 及Stellalou 聖誕毛公仔。之後進入迪士尼樂園的商品領取專門店去領取。

近日剛看完銀河守護隊假日特別版。當中出現一幕是 Star-Lord 在孩童時，布置了一棵小型聖誕樹🎄在太空船艙內🚀。這棵小型聖誕樹只有50cm。即成年人頭頂至半胸高度。故不到在香港迪士尼樂園 eshop，有出售這款聖誕樹。特設有 Linabell 主題及 Chips & Dale。原價$1699。早鳥價去到12月4日是$1499出售。網上購買者，可以選擇在園區換領處領取，這樣便可以免運費。感謝 Dion Choy 借出實物圖片。

進入樂園前，除了要了解當天的活動時間表。如想同城堡公主或Duffy & Friends合照，請每天早上十時登上官網預約。每次預約只可以選一個活動及一個時段。合照結束後才可以再預約另一個合照活動。

同迪士尼好友合照

如果想同 Linabell 或 Duffy & Friends 合照，一定要係官網預約。因太多人想同佢地合照，如不成功預約，可改約同城堡公主合照或同其他迪士尼朋友合照。個人建議一定要係會客室同聖誕米奇合照，之後係廣場花花圃位同米妮及布鲁托合照。其他朋友都係要排隊合照。

街頭表演

面部彩繪

個彩繪服務設置係樂園最左邊入口，係會客室對出。價錢分別是$119，$139及$169。彩繪時間約十五分鐘。

米奇與好友聖誕舞會

每日表演兩場。表演時間約12:45，15:30。米奇老鼠將帶領米妮老鼠、唐老鴨、黛絲、高飛、布魯托、鋼牙奇奇與大鼻帝帝，一起換上精緻的聖誕服裝，載歌載舞。Duffy、ShellieMay、StellaLou、CookieAnn 與 LinaBell 亦會一同加入，聯同歌手及舞者帶領大家隨音樂起舞，投入這場滿載歌聲及歡笑聲的聖誕派對。先播放部份精彩片段同大家熱下身。

火箭餐廳聖誕狂歡拼盤

中午時份，最好就係去火箭餐廳嘆返個新出既聖誕狂歡拼盤。個餐$188無得用會員優惠。加埋杯中可樂$25。總共$213。個餐有薯條、炸雞粒、炸魚柳、泡菜。混入亨氏蕃茄汁，咁就滋味無窮。成個餐好大份。三五知己一齊當下午茶咁食，都好抵。個炸薯條好脆，好食過M記。炸魚柳入口即溶。好美味。炸雞粒好重韓風味。上等雞肉。泡菜屬上等韓國泡菜。入口開胃。加埋杯可樂，可以將滋味無限擴大。火箭餐廳上午11:30開門。個人建議一家大細最好一早去到霸位。

魔法化妝廳

家長如想幫小女兒感受一次公主體驗。可以光顧城堡後面的魔法化妝廳。3種價錢，分別是$880 (自備公主裙)、$1780(包埋公主裙)、$3480(包公主裙及製作相薄／故事書)。如家長選購$3480，包公主裙，製作相薄及故事書，另加$1688。如家長只想要全部電子相，要付$498購買。製作相薄及故事書需時一個月。故事書主角只有6位公主可以選擇。分別是Elsa、 Anna、Snow White、 Belle、 Cinderella 及 Rapunzel。因疫症旗下，職員會省略替小女孩化妝服務。家長可以先替小女孩化妝。拍攝時需戴上透明口罩。建議先在官網預約。

拍出奇妙專人拍攝服務

如不想戴上透明口罩，想拍出同情侶及家庭照。可以前往小鎮沖印店。購買拍出奇妙專人拍攝服務。30分鐘在園區拍下無口罩照片，遊客可手持食物或飲品，在園區四選一項目，有專業攝影師隨行。也可以先在官網預訂服務。製作6R相薄$699。(6R相薄只限在入園 walk in 訂購)。製作8R相薄$999。奇妙處處拍的照片，8R一張是$168，傳統木製相架是 $219 。Duffy / Linabell 相架 $159，加 $108可沖8R一張。Toy Story 相架是 $299。

大街巿集小食亭

通常下午茶時間。我習慣去大街星巴克。今次買咗$46🥤薑汁鮮奶咖啡，有凍及熱飲選擇。另外係餅店買咗$58雪地蛋糕。大街巿集買咗$50聖誕熱情果泡芙。係雪糕屋買咗$62🍦海鹽焦糖軟雪糕。總價$216。大街巿集有其他熱食如🌭芝華士腸及🧇Waffle。也有最新爆谷桶。內部有坐位供食客安坐。🧁雪地蛋糕係 cream cake，上面既聖誕樹係朱古力材料。熱情果泡芙係麵包加 cream。個泡芙帶有熱情果甜酸味。兩者帶甜及好重奶油。小朋友最鍾意。薑汁鮮奶咖啡含小量薑汁味。因為我買咗凍飲，只飲到少量薑汁味。至於個海鹽焦糖軟雪糕，好重咖啡味，軟雪糕好快溶。要快食。另一個小食亭我個人推介係翠絲小食車。內部有坐位提供。至於如果想購買Pixar反斗奇兵爆谷桶，請前往明日世界的美食車購買。內置小燈泡。大街巿集果款聖誕音樂爆谷桶，係鐵箱加音樂盒🎶。有走馬燈功能。

冒險家半自助餐加煙火專賞區

😋晚餐最好去大冒險家餐廳嘆返個半自助餐加✨煙火專賞區套餐。今日特別走進這所位於迷離莊園附近的餐廳。買個成人半自助餐$558加一。小童$382加一。煙火專賞區係餐廳內有職員派發手帶。只要配戴手帶，在不用排隊下，在城堡最近位置觀看煙花表演。沒有手帶情況下，最有利位置要在表演前45分鐘霸位。建議在官網訂購，可免加一服務費。

主菜係四選一。主菜有烤牛肉、魚柳、豬腩卷及植物蟹肉。我選咗個豬腩卷。頭盤、水果、忌廉湯、飲品及甜品任食。我個人先自取芒果汁及忌廉湯。個芒果汁好鮮甜。屬新鮮芒果汁。個忌廉湯配餅塊，好美味。飲得出不是鑵頭湯。座位內有派發星夢光影發光特飲。係雜果賓治。好重水果味。

頭盤我選海鮮青口、蝦及凍肉。還有炸雞及炸素菜。海鮮屬上等食材。肉質甜美帶有海水味。炸雞及炸素菜都好重快餐店風味。

個主菜🐷豬腩卷係餐牌上寫明是慢煮。我問咗職員，慢煮是否採用如電影<摘星廚神 Burnt>中的真空低溫烹調法，將食物放入一個塑膠袋並真空密封，然後將整個袋子放入熱水中長時間烹調60°C，時間有時候甚至超過24小時。目的是保存肉質的鮮味。職員答覆「是」。故不到一所迪士尼樂園餐廳，有三星米芝連烹調的頂級豬腩卷。$558加一再加個煙火專賞區，真係好抵。食落個肉質真係比快餐店的焗豬扒飯，更鮮甜彈牙。肉汁特別多。食落好開胃。

多款精緻甜品造型甜品，賣相滿分。看得出廚師花好多功夫去製作。多款甜品都係以迪士尼主題設計。小孩子一定好鐘意。最後我揀咗蜜桃金寶及麵包布甸。兩款都係熱食甜品。屬高級西廚甜品。因為糖份好高。我個人只取少量。

另一驚喜是有位女職員 Mimi 穿上英國維多利亞時代服飾。造型似足仙女媬姆 Marry Poppins。整體感覺一個字來形容 🧚🏻‍♂️Supercalifragilisticexpialidocious。PS：個人建議如想一家大細搞🎅聖誕晚餐派對，或是公司搞🧆小型慶功宴，90分鐘半自助晚餐加煙火專賞區，絶對合適。

是夜係專賞區欣賞星夢光影煙火。在表演前15分鐘進入專賞區。近距離觀看煙花表演，情侶最佳項目。

夢想成真聖誕樹亮燈禮

入夜，美國小鎮大街將亮起炫目燈光，引來賓客相聚，於象徵歡樂、夢想與祝福的巨型聖誕樹下歡聚。今年，你的聖誕心願將會為我們點亮溫馨動人的時光，因為每晚將有一位賓客被揀選，為聖誕樹亮燈禮作揭幕。「聖誕歌詠團」於現場演繹多首經典聖誕歌，聖誕樹將漸漸綻放著璀璨亮光，伴隨著漫天飄雪，讓你與摯愛誠心互送祝福，珍惜當下相聚一刻，懷著閃亮動人的回憶迎接新一年！

奇妙飄雪 聖誕高飛

人見人愛的聖誕高飛將搖著大耳亮相，換上聖誕服裝的米奇老鼠、米妮老鼠、唐老鴨、黛絲、布魯托、鋼牙奇奇與大鼻帝帝亦會紛紛登場，與悉心打扮的舞者載歌載舞，舞動巨型充氣雪球，並打開閃亮奪目、盛載驚喜的魔法禮物盒，帶大家投入佳節歡樂之中。最後在窩心暖人的漫天白雪下，與摯愛一同許願，讓心願乘著漫天雪花飛翔。

夜間花園最靚打卡位

大街商店購物

近日睇迪士尼樂園大使FB，知道有個香港迪士尼推出Duffy與好友主題「Wish Upon A Star」兩用抱抌毛毯，每售出一個，香港迪士尼就會捐出港幣50元予願望成真基金。係香港迪士尼樂園、酒店同網上商店都有售。另外在商店內出售的明信片，這款只需$10的全新設計聖誕限定心願慈善明信片，寫上祝福說話、並在美國小鎮大街或幻想世界蓋章處為明信片蓋上印章，就可以放進市鎮會堂外的聖誕心願郵筒，樂園會免費幫你寄給世界各地朋友，義賣所得的款項將不扣除成本，全數撥捐「愛心聖誕大行動」。更多冬季慈喜資訊，請參閱聖誕愛心送暖大行動2022。