What if Transformers Vs Marvel Avengers

早在數年前，已經有動漫友，將變形金剛同復仇者作一次英雄對決，將兩套電影中的打鬥場面剪接成短視頻，放在 Youtube 平台供兩大粉絲派欣賞。然而現實中，兩派粉絲可以同屬同一班人。

現實中，兩派動漫的主角沒有正面來一次對決，但可以在另一個層面，作一次隔空Battle。變形金剛主題餐廳 Transformers：The Ark 剛在4月23日正式開幕。坐落於銅鑼灣時代廣場對面。另一邊廂，香港迪士尼樂園火箭餐廳 Starliner Diner 已經在4月28日改裝成為 Marvel Avengers 復仇者英雄聯盟主題餐廳。兩大 IP 最好來個美食評分大比拼。三個回合評分對決。1) 餐廳橫裝2) 美食質素 3) 服務質素。

餐廳橫裝

Transformers：The Ark

Transformers間餐廳係銅鑼灣時代廣場對面。暫時個自助售買機未用得。只有小童餐有套餐出售。大人沒有套餐。間餐廳有電子 LED 3D 立體屏幕。好似置身係太空艙內。同 Star Wars Galactic Starcruiser 間餐廳一樣。地下個層有售賣變形金剛商品。地下設置柯柏文巨型機動式模型。供一家大細打卡。

Starliner Diner

餐廳已裝修成為 Marvel Avengers 復仇者英雄聯盟餐廳。牆上掛畫及吊飾已由從前的星戰主題，改成漫威英雄。餐廳內外都播放漫威電影配樂。Marvel 粉絲萬勿錯過。紅日好旺場，建議家長最好在上午11時半排隊。天口熱，最好坐室內冷氣位。爆滿要坐出面。

參照世界迪士尼樂園既 Galactic Starcruiser。餐廳都已採用電子 LED 3D 立體屏幕。令食客置身在星空漫遊中。今次餐廳橫裝勝出者屬 Transformers：The Ark。

美食質素

Transformers：The Ark

我自己點咗三個餐，海苔鱈魚包，探索者一號及個朱古力扭紋雪糕。個小童餐探索者一號$85，有芝士長通粉、雞軟骨、蘋果汁及薯條。芝士長通粉好重芝士味。啱細路仔食。雞軟骨及薯條一般好味。比較起麥記，麥記好食好多。佢地個啲雞軟骨及薯條太乾身太硬。蘋果汁唔錯。$65海苔鱈魚包賣相滿分但入口好似食木炭。個魚太乾身太硬。入口唔開胃。$35朱古力扭紋雪糕入口即溶。好味。好明顯，個包、雞軟骨及薯條都係煮好咗擺咗好耐，才會硬化到難以入口感覺。

Starliner Diner

上午11：15一早去排隊食最新套餐。$170鐵甲奇俠配辣薯條套餐再加$58購買無限寶石啫喱梳打汽水。個包係豬扒加新鮮菠蘿。紅色係 Ironman主色。麥記都無豬扒包加菠蘿。相信只有火箭先有得食。豬扒肉質鮮新鮮好味，配搭新鮮菠蘿，入口清新，好開胃。個辣薯條只是微辣。配上頂級亨氏茄汁，好味到飛起。好食過變形金剛快餐店個啲薯條。火箭出品薯條係新鮮出爐。銅記變形金剛個啲係炸好咗3個鐘放係熱爐保温。高低立見。個無限寶石汽水，記得要在取餐時攞埋木叉去食啫喱。啫喱跟足電影版，每粒寶石啫喱，一比一原大。色澤仿似無限寶石。食落好彈牙，每粒寶石啫喱，不同鮮果味。新奇又好味。個套餐名為鐵甲奇俠唔叫鋼鐵奇俠，相信漫威粉都明白另一位穿鐵甲係 War Machine。佢地兩位都係 Avengers。美食質素方面，好明顯 Starliner Diner 注重食物存放時間，送餐給食客係保持最佳新鮮度，今回 Starliner Diner 得一分。