🏨香港迪士尼好萊塢酒店

香港迪士尼好萊塢酒店在7月14日隆重開幕。早前係 HKDL Fantasy FB 及Disney Moments FB，登出酒店內外的環境。🎥 Hollywood Hotel 內外都仿照荷里活及星光大道而設計。酒店內的 🎨 Ink & Plate藝彩廚。前身係🍲米奇廚師餐廳。係一間自助餐廳。如果係迪粉，一於入去食番個🍗自助餐。用埋個消費券埋單，咁就最划算。個人認為埋單前，問清楚迪士尼樂園及酒店餐飲購物禮券細節 bit.ly/3POfpDZ ，買一千有額外$200購物禮券。即係當做係🎁商品部買精品禮物消費券用。🎥 Hollywood Hotel，家庭聚會或拍拖好去處。相片出自HKDL Fantasy 及 Disney Moments。

🎨 藝彩廚 Ink & Plate 🖌️中午自助餐

差不多有三年半沒有光顧好萊塢酒店的自助餐廳。重開後已裝修及明名為藝彩廚 Ink & Plate。餐廳橫裝是取材自華特迪士尼動畫製作室，主打彩色動畫故事原素。Ink & Plate 是華特迪士尼研發自家製顏料中心。所有顏料色彩均用在動畫菲林膠卡上。細看餐具均採用舊日插畫師用的調色碟及杯。食客取美食，同時可以化身作迪士尼插畫師。

中午自助餐，成人價$418加一，小童價$268加一。消費滿$500有兩小時有免費泊車服務。有睇開我以往寫既自助餐食評，都知道食自助餐，每次只拿一碟及全部菜餚都屬同一國藉。咁先可以食出每個國家美食原味。同埋唔好攞太多食物之後棄掉，請珍惜食材。

先上兩個靚湯，椰子雞湯及蘑菇湯。椰子湯清甜暖胃，蘑菇湯飲到蘑菇鮮甜味道。一飲就知唔係鑵頭湯。

第一碟香港地度美食。也可以稱為中式。用小童調色碟去裝美食。有小丸子、炸蝦、皮蛋，油雞及滷水豆腐等。小丸子同炸蝦新鮮炸起，美味。油雞及滷水豆腐都好有香港茶記風味。

第二碟日式。玉子豆腐、冷麵及壽司。個冷麵混入玉子豆腐配醬汁，係炎炎夏日食到清涼日式美點，涼透心。消署最佳美食。如果食客想食日式刺身，可以係日式檔排隊。有專人師父即場切。

第三碟西式。墨西哥餡餅加長通粉。墨西哥餡餅係要排隊，配合我個人選定的配料，個廚師即場烹調。餡餅顏色有紅黑白。我個人選了紅色餡餅配入蕃茄加玉米。味道好特別，因為之前無食過墨國美食。長通粉好重芝士味。好食。

第四碟海鮮。我選咗煙三文魚、青口、蝦、海螺及蟹柳芒果木瓜沙律。加入少少Lemon Juice，清新入口，開胃。三文魚肉質新鮮。青口、蝦、海螺都好重海產鮮甜味。最特別係蟹柳芒果木瓜沙律，有蟹肉同時混入水果甜味。咁出色既沙律，我之前未食過。

第五碟水果。新鮮水果。個人唔敢食太多，因為要留番個肚食甜品。

第六碟甜品。全部都係精緻美味可口蛋糕。個軟雪糕係自助式。係北海道牛乳5.0。之前係樂園都要賣成$68。依家係餐廳可以DIY。

餐紙上有個QR code，係藝彩廚個餐牌，餐牌連結 x.hkdl.hk/DHHInP。有介紹四款特飲。我選咗調色杯特飲$75。個調色杯特飲取材自華特迪士尼顏料研發部門用既調色杯。這款特飲有趣之處，係有四層顏色。每層有個別水果汁。我飲到草苺、薄荷、芒果及香蕉。令我回憶起麥記奶昔。

大約下午一時半至二時半，迪士尼朋友係商品部同遊客合照。我離座出去同高飛合照後，再返回座位。

因為係酒店重開後第一個自助午餐，職員 Debbie、Nicole 及 Jenny 善意詢問我環境及食物質素意見。佢地提醒我晚間自助餐有更多海產類美食如長腳蟹。我個人不明白為何要將間餐廳改裝成一間顏料研發中心。答案是酒店名稱是 Hollywood，餐廳是為紀念華特電影公司一百週年而將迪士尼動畫原素，加入餐廳橫裝、餐具及美食。目的是要喚起食客過去迪士尼經典動畫故事情節。將經典美食場面，融入「🔥火之藝術」中。餐廳每位廚師，都係創意藝術家。每道菜式，都帶有迪士尼動畫概念。

當下猛然想起，剛才飲過的蘑菇湯及食過的長通粉。聯想到五星級大鼠中的法式廚房故事情節。中式菜餚即是花木蘭同家人的晚餐。墨西哥餡餅係玩轉極樂園中的墨西哥亡靈節的攤位美食。海鮮類係盛夏友情天的漁民捕魚海產。東南亞美食就係魔龍王國中，雷雅公主同伙伴的晚餐。甜品係愛麗斯夢遊仙境中的Tea Party下午茶甜點。整間餐廳是播放經典動畫主題曲。一幕幕經典動畫馬上浮現腦海。還有好多好多經典故事，數之不盡。誠意推介給每位迪士尼動畫觀眾，一齊嘆美食，聽音樂，一家大細說故事，樂也融融；男朋友約會心儀對象講述餐廳細節，浪漫滿分。

全年通行證有折扣優惠。食客埋單時可選購 Dinning Voucher，網址連結 bit.ly/3POfpDZ 去獲取額外商品優惠。

🍹 The Archivist 留映廳 🔰 神盾局酒吧

The Archivist 留映廳，橫裝取材自漫威神盾局，局中的秘密檔案資料庫。SHIELD 全名係 Strategic Homeland Intervention, Enforcement and Logistics Division。即係樂園史達科技旗艦店個 S.H.I.E.L.D. Agent Mission Pass 神盾局特訓任務通行證成員。餐廳職員制服取材自 SHIELD 特工組織成員。檔案全部係 Avengers 成員既資料檔。SHIELD 特工唔可以用自己身份行動。佢地無超能力。有別於復仇者。講到尾就係食客進入留映廳如同化身做神盾局特工。

復仇者聯盟成員既插畫、兵器、能量寶石都放置在餐廳每一個角落。食客要掃QR code 觀看餐牌，留映廳餐牌連結 http://x.hkdl.hk/DHHArch 。我點咗雷擊帶有酒精飲品$138及朱古力聯盟小食$158。每位食客只要有下單飲品。都可獲得花生果仁一碟。雷擊充滿檸檬帶甜特飲。飲後微醉。朱古力聯盟係全 Dark Chocolate 小食。苦中帶甜。個人建議可以食完晚餐後，或看完樂園煙花，回酒前男朋友同女伴談心好地方。