Mamma Mia 之夢想家小店

近日看畢一齣由英國倫敦原版音樂劇移至香港演藝學院表演。對上一次係香港表演 Mamma Mia 都已經是五年前。日期2024/07/26-28， 30-31，2024/08/01-04，06-11， 13-15。本人係先睇電影版2008年原裝版及2018年前傳。今次睇返原裝版音樂劇。

節錄於 Cityline 電子售票處專頁：https://venue.cityline.com/utsvInternet/MM24PS/eventDetail?event=45020

故事講述希臘一個迷人小島上，待嫁少女 Sophie 在婚禮前夕，展開尋找生父計劃，想讓父親牽着她旳手走進婚禮。Sophie 在無意之中，看到母親 Donna 的日記，發現有三個男人可能是自己的父親，於是 Sophie 暗地裡邀請母親三位舊情人到島上；與此同時，獨身多年的母親，為籌備女兒的婚禮而忙得不可開交，邀請了昔日金蘭姊妹 Tanya 及 Rosie 再次相聚。平靜的小島因為幾位「賓客」而變得不一樣；過程中笑料百出，亦不乏溫馨場面，集愛情、親情及友情於一身。

因為係現場睇，好有立體感。表演期間會發放有海水味香薰。歌曲帶動旋律再配合海水味香薰，令現場觀眾置身於希臘熱情小島中。夏天、大海、汗水、勁歌、熱舞、姊妹情、母女情、兄弟情、浪漫、愛情、冒險…種種元素加埋，就係要提醒觀眾不要因為年齡而放棄自己既夢想。這套音樂劇由1999年表演至今，全球累積入場觀眾達六千萬。改編成十四種語言，在440個主要城巿演出。為何這齣音樂劇可以火紅至今？年青觀眾會將自己代入 Sophie 角色。但年長觀眾會將自己代入 Donna角色。等到觀眾長大後為人父母，又會重返個劇場代入 Donna 一角。個人誠意推介。

餘下八場，可以登入Cityline，或親臨至香港演藝學院撲飛。係香港演藝學院購買門票可以自行選購位置。平日香港演藝學院售票處只會開放到下午6時。但如果當晚有表演，售票處會開放到晚上8時。

至於如果錯過咗音樂劇，都可以上 Youtube 購買電影版。兩套電影原用返 ABBA 歌曲。還原返真實希臘迷人小島場景。個人認為 Amanda Seyfried，Meryl Streep 及 Lily James 都係至今無人可以取替既 Sophie & Donna。

香港迪士尼探索家酒店

係香港是否可以找到一家類近 Mamma Mia 劇中既旅館？係大嶼山有一處可以是非常接近原著中既酒吧及旅館。係迪士尼站後面，有穿梭巴士帶你前往香港迪士尼探索家酒店。如果選擇自駕遊人士，消費滿$500有3小時免費泊車服務。

進入一間仿似深山森林設計既酒店大堂。先去樓下芊彩餐廳食午餐。點咗份 Set Lunch。雜菜湯 + 香煎盲鰽魚柳 + 意式雪糕配水果 + 熱奶茶。間餐廳橫裝極似歐洲式旅館餐室。

雜菜湯 – 美味。放入新鮮焗爐出品既餐包。食到最新鮮雜菜湯味加餐包味。

香煎盲鰽魚柳 – 賣相滿分。魚肉清新入口。入口即溶。食得出廚師先煎熟魚皮七成熟，再翻煎魚肉。魚皮入口香脆。魚肉鮮嫩。廚師用此手法去煎魚肉，用多咗時間。但食得出肯付出心機。大部份西廚用 Water Bath 去煮。但個魚皮就唔夠香脆。

意式雪糕配水果 – 每粒水果我都檢查過。全部無雪壞或過期。全部頂級新鮮水果。意式雲呢拿雪糕英文名稱為 Gelato Vanilla Ice Cream。入口香滑。食唔到有人工香精及甜味劑。牛奶及忌廉含量比美式雪糕低。個賣點係食咗唔會肥。

熱奶茶 – 杯熱奶茶味道唔係重點。重點係餐廳職員知道我習慣飲英式奶茶係唔會放糖。所以今次職員無附加糖給我。入餐廳前，前枱已有職詢問我個人電話號碼。查過後相信佢已知我個人飲食習慣。一間小小西餐廳，都可以有郵輪水準既 CRM data base。佩服！

職員 Rex 及 Ken 眼明手快。我一舉手馬上招呼我。清枱空碟乾乾淨利落。笑臉常掛給人一種親切感。我去過多間五星級酒店食西餐，職員都係目無表情。整間餐廳給人一種朝氣勃勃之感。

食完個午餐，走去商品部查看最新樂園精品。其實賓客唔駛入樂園，都可以光臨叢林商店去選購最新最潮迪士尼貨品。

下午3點幾，走入去酒店大堂附近既酒館。個橫裝有點像 Mamma Mia 音樂劇中既 Donna 開個間酒館。點咗杯三重焰奏。火紅色帶有 Strawberry + Whisky 味道。微帶辛辣加點甜。飲完成個人著哂火。有火燙感覺。窗外景色有泳池及大海。令我想起 Sophie & Donna。不要因為年歳增長或自認自己太年少，而放棄追求夢想之初衷。Sophie & Sky 放棄婚禮，選擇做背包客去見識世界。Donna 與心中的夢中情人圓婚。劇中最後一首樂章是 I have a dream。同夢想家小店一樣，放眼世界，寫出精彩人生。