香港迪士尼樂園由依家至9月27日推出夏日限定主題活動。多項表演活動如花車巡遊、城堡表演、美食、商品及煙花表演，都為咗是次廿週年作出精心設計。

遊客可以購買尊享卡玩盡派對，於指定觀賞專區欣賞三大派對焦點活動，包括「迪士尼好友巡遊派對」、「迪士尼好友Live：城堡派對」及「迪士尼星夢光影之旅：星空派對」，更尊享包括魔雪奇幻之旅的8項指定熱門遊樂設施優先通行！魔雪奇幻之旅 — 由藍十字呈獻 (於2025年8月31日至9月19日暫停開放)。

百貨店

精品可以先在網店購買。四天之後在樂園商品服務中心自行領取。也可以去百貨店，選購最萌精品。個人推介廿週年必買精品，就係迪士尼紀念幣。

廿週年紀念幣，部機位置係消防局。今年是 Pixar 三十週年，最好係 Toy Story Land 買埋個反斗奇兵紀念幣。另外一定要購買廿週年簽名簿。

相片取自 We4 Travel。【香港🇭🇰】香港迪士尼「奇妙護照」/ 印章地圖全攻略（附Google Map位置）

迪士尼好友巡遊派對

這場香港迪士尼有史以來最大型的巡遊表演呈獻 11架全新花車，30多位深受喜愛的迪士尼朋友、以及超過100位表演者於約30分鐘的演出中沿途載歌載舞，大派彩蛋，每個轉角都蘊藏奇妙驚喜！我個人推介最正打卡位，位置係大街照相館門口。呢個位睇花車，可以唔駛一早霸位。重可以嘆照相館正門送出來的冷氣。

迪士尼好友Live城堡派對

換上20周年服飾的米奇與好友及Duffy與好友，亦會於舞台上與迪士尼公主們再聚，並與在場的每一位交流互動，感染大家陶醉於音樂之中，並帶著這份興奮高漲的心情，繼續享受整日的奇妙派對。

廿週年餐飲美食

我個人推介皇室餐廳個人參雞套餐及河景餐廳個巴東牛肉。一日可以嘆返個韓式美食及中東美食。另外係小小細界，嘆返個意式雪糕。特別鳴謝皇室餐廳職員 May，推介個廿週年紀念杯。及職員 Connie 拹助我找個椅子。

迪士尼星夢光影之旅

今次加入廿週年版無人機。再配合大街投影。個人推介最好企係 Corner Café 旁邊。前後睇哂煙火表演全景及大街投影。如果唔想一早霸位，可以購買大冒險家餐廳個半自助餐加星夢光影之旅套餐。成人$508加一，小童$348加一。

神奇4俠

電影將於7月23日公映。以下資料轉自HKDL FB。

#神奇4俠 踏出佢哋嘅英雄第一步，率先嚟到香港迪士尼樂園 ！由7月23日起，#隱形女俠 及 #石頭人 將會正式喺📍明日世界舞台登場！樂園更係亞洲唯一可以親身歡迎呢兩位超級英雄嘅地方，記得把握機會同佢哋近距離見面⚡️！仲有一系列全新限定商品及主題爆谷杯推出，敬請期待💥！今日，幻想世界音樂廳將鋪上藍地氈舉行Marvel Studios《神奇4俠: 英雄第一步》首映禮🍿🎥！

題外話：

今次同大家介紹神奇4俠中的小機械人 HERBIE。佢首次有份係電影出場。據漫畫編劇寫佢戲份，作用係取悅孩童觀眾。猶如星戰中的 R2D2。這類角色只是扶助主角。其地位重差過花瓶角色。正正說明火鳳燎原中，凌操身為孫策影子身份一角名言，精彩不亮麗，起落是無常。永遠只是站在正主兒背後。當主角無戲份，佢地連出場資格都無。如同搞鬼甲蟲車電影一樣。故事中的甲蟲車 HERBIE，係女主角 Maggie 座駕。也是 Maggie 發掘佢先有機會出場。

近日 DSE 放榜。每個考生都想考進港大或中大，作為第一志願大學。但其實即使考不上心儀大學，或要唸副學士，都可以繼續向自己目標邁進。每位藝人都想當上文武生或刀馬旦，那有人想做丑生。但田啟文心知自己五短身材，沒有英俊面孔，唯有當群眾演員。退居幕後，創辦「腦力工作室有限公司」，主力從事電影製作與培育新人工作。即使成為別人的影分身，退居幕後也可以創造自己的一片天。己千之，共勉之。

相關專欄：

反斗奇兵滙聚新濠影滙