踏入春季，今次同大家介紹前往龍環葡韻個濕地公園。個行程會加插東望洋燈塔及新濠影滙個老年子60週年漫妙濠時光展覽。最後上埋個大潭山瞭望台。將日間係東望洋燈塔睇到個日景，加埋大潭山望出去個夜景。還會敎大家如何免費領取銀河集團既發財充電寶及由翠華茶餐廳贊助既豬扒包。作為一個復活節期檔短線旅遊，真係一家大細或情侶拍拖好去處。

領取銀河集團既發財充電寶

如何領取個發財3C認証充電寶。方法好簡單。經港珠澳橋香港口岸，過咗海關後前往買金巴門票。售票處出口右方有個銀河集團服務中心。只要未曾登記做會員。交出身份證給服務員登記。咁就攞到。五款充電寶只可以選一款。我個人要金色版。這款黃金磚設計，只有香港口岸服務站有得送出。澳門銀河娛樂場係無這款充電寶。重可以嘆咖啡同埋朱古力。包裝紙附加手機app二維碼，Marketing 策略做得好好。之會收到臨時會員卡。手持這張卡去到銀河酒店，領取埋實體會員卡，才可以獲得娛樂場內翠華茶餐廳贊助既豬扒包。

買澳門通及手機漫遊服務

因為今次行程好需要用到漫遊服務。好多路線要用 Google Map，重要成日搭巴士及輕軌。有需要購買這兩件法寶。係澳門口岸，過咗安檢，去到便利店。櫃枱有職員敎你做入澳門享用漫遊手機設定。

讀者也可以看看我敎大家做既設定。

如果要想查看餘額。請置身澳門，因電是澳門話號碼。先要設定顯示所有電話卡。再致電1889，撥打第二張電話卡。餘額會以知訊回覆。

讀者也可以購買增值卡。如果想買國內及澳門通用電話卡，建議去深水埗鴨寮街購買。

東望洋燈塔

濠江八景之一。東望洋炮台位於澳門半島最高峰東望洋山之巔，俯瞰整個半島，炮台上建有一燈塔及小教堂。每次舊地重遊，都令我想起天空之城個燈塔。炮台：上午9時至下午6時（下午5時30分停止入場），聖母雪地殿聖堂：上午10時至下午5時（不准拍照）。地址：澳門地厘古工程師馬路（東望洋炮台）。

燈塔內部每年7月週未開放。

順德公飯店

近日潘紹聰係佢個頻道介紹澳門順德菜館，無理由唔入去食飯。餐廳位於新馬路營地大街106號A地舖，好近新中央酒店。入到去見到係米芝蓮食肆推介既餐廳。點咗鯪魚球妃子笑、煎魚皮及螞蟻上樹粉絲煲。餐廳經理知道我係時尚博客專欄作家，還送上薑汁雙皮奶。總價$303。

碟小食係海菭花生。好耐無食到茶樓以前成日食到既海菭花生。煎魚皮好脆。加入鼓油，好美味。鯪魚球妃子笑賣相好似荔枝，其實係鯪魚球造餡。鯪魚球加薄荷醬，好美味。螞蟻上樹粉絲煲配白飯。個粉絲煲混入蝦米，用花椒油去炒。微辣帶點酸味。這種酸辣味，正正係春季食最開胃。問過職員，順德菜多數係酸辣味。唔同大馬菜用咖喱炒出嚟既辣味，有好大分別。

最後品嚐個薑汁雙皮奶，好重老薑汁味道。唔同超巿買到既薑汁味豆腐花。順德菜比較重辣味。愛辣者誠意推介。訂枱熱線 +853 28371869。

老夫子漫妙濠時光

前往新濠影滙，最近輕軌站係蓮花站。漫妙濠時光：老夫子60周年奇想之旅澳門特展2月9日 – 4月12日（免費入場）。

相片取自新濠影滙FB。

個人推介去載運美式快餐，嘆返杯黑牛。

氹仔街巿

12月8日起試業嘅「氹仔街市」，將傳統街市大變身！一樓有19個美食文創攤位同室內用餐區，二樓天台有1個咖啡茶座同戶外用餐空間，買餸嘅地面層就照舊保留。成個街市翻新過，加咗葡式元素、彩色外牆同特色合照位，好啱打卡📸！而家去氹仔街市，唔止買餸，仲可以食好西、歎咖啡、買文創、打個卡！氹仔街未係官也街，前往官也街，係輕軌排角站下車。

澳門田耕閣手信

主打低糖及全素製作既餅店。傳統焗餅係用豬油製作。素食店係用植物油低糖製作。好啱老人家及佛敎徒食用。地址：📍澳門氹仔舊城區施督憲正街3號（官也街公交站向前走50m）。

龍環葡韻

遊客可以係氹仔田耕閣手信店，店後面上石級，左手邊沿着小路，7分鐘路程。

「龍環葡韻」是澳門八景之一。「龍環」是氹仔舊稱，「葡韻」是指這裡葡萄牙建築風韻，包括海邊馬路的多座葡式住宅、嘉模教堂、公園等一帶如詩似畫的迷人景致，其中以五座碧翠凝綠的小型建築最具代表性。

這幾座建築早於1921年落成，曾為高級官員官邸，也是具代表性的土生葡人住宅。1992年，該五座建築被評為具建築價值的建築群。經徹底修復後，政府將之改建成博物館區，名為「龍環葡韻住宅式博物館」，自1999年底起對外開放。

龍環葡韻因為包括活化咗既葡式建築物、手信店、土生公館葡國餐廳及濕地公園。個人認為整個龍環葡韻地段，稱得上天龍八部小說中，無量山既琅嬛福地。

土生公館葡國餐廳

土生公館係中葡餐廳。店內橫裝係六七十年代葡國特式家具擺設。店內有出售葡式紀念品。樓上招待貴賓。建議食客如果想光顧，請預約訂枱。土生公館FB，Whatsapp +853 6217 6332。

頭盤係葡式沙律。當中有八爪魚肉。肉質鮮甜美味。個賣相有點似葡國旗。主菜係海鮮大雜薈焗飯。因太熱要用細碗品嚐。點咗支手工啤酒，邊食海鮮再飲啤，人生一大樂事。海鮮有青口、蜆及鮮蝦。賣相滿分。入口美味。多種海鮮混入白飯一齊食，好美味。一個煲兩人份量。建議兩位食用。最後甜品係木糠布甸蛋糕。忌廉加餅乾碎，香滑易入口。