盛夏一聚翠樂庭

夏至剛過，正值盛夏。建議大家入電影院欣賞剛上畫的盛夏友情天。詳見盛夏友晴天宏揚共融精神。電影發揚友誼可貴。暑假因疫情所困，大部份巿民假期只可留港 staycation。今次推介迪士尼樂園酒店。無論是一家大細或是三五知己好朋友，家庭聚會或情侶消遣，都適合盛夏一聚。可能欣賞過電影，喚起友誼及家人的感情維繫。想入住酒店可登入Klook搜尋資料。DIY行程可以包括進入迪士尼樂園、酒店設施及迪欣湖。

我自己今次為大家推介迪士尼樂園酒店的假日中午半自助餐。7月16日之後會在暑假中作全自助餐。如假日食中午或晚間自助餐，個人建議最好在1星期前訂位。三五知己或家庭聚會都適合。下午半自助餐成人收費$388加一。入坐時間分兩段12:00及14:00。是次活動包括可同一名卡通人物合照。但要戴上口罩及保持1.5米距離。

查看菜單，成人半自助餐是主菜可以選擇中式、日式及美式。因本人不食牛扒，日式可以在buffet line 取下。所以我選中式瑤柱雜菜炒飯。職員會奉上忌廉湯。賣相滿分。飲落入口香濃。職員話可以無限添飲。如想喝汽水。可以付$88無限添飲 package。

個人食中午自助餐建議早餐及晚餐不食。三餐當一餐食，可以多吃一點。每次選菜同國藉菜餚拼在一碟。這樣可以不會破壞該國美食風味。

我出去buffet line 先取冷盤。我取下三文魚、大蝦沙律、巴哈馬火腿。巴哈馬火腿混入新鮮水果一齊食，滋味無窮。三文魚及大蝦沙律都屬上等食材，入口開胃。

之後職員上咗個瑤柱雜菜炒飯，個套餐有蒸水蛋，蝦球及鮮盧筍。混入一齊食，個味道同中菜館晶荷軒炒飯及探索家酒店的雲龍軒炒飯相類近。微辣兼好重瑤柱味，瑤柱足料。估唔到係半自助餐都食到有兩間酒店的招牌炒飯。

第三輪我自取紹興醉雞、明太籽沙律、蟹柳沙律配綠茶冷麵。三文魚壽司。醉雞肉質鮮嫩，微微帶有紹興酒。明太籽沙律清新爽口。三文魚壽司加蟹柳沙律配綠茶冷麵充滿日式風味。

第四輪全海鮮類。我選龍蝦、長腳蟹、海螺及青口。青口肉質彈牙。龍蝦及長腳蟹肉質鮮甜，好重海水味。海螺好鮮嫩。海鮮類全屬上等食材。建議如果是海鮮食家，咁就要無限添食。係西貢碼頭就算食到，都收好貴。

第五輪甜品。全部屬卡通人物造型。如要在樓上華特餐廳叫 tea set。都要收$458兩位計。出邊美心或樂園小食部，每件單價都要$40。依家自己拼一碟，都可以值$160。我當然唔會放過咁好機會。芒果奶凍、朱古力餅、意式芝士杯等。我食咗兩碟，都值$320。食自助餐最緊要食到物有所值。最後加埋個水菓杯同熱奶茶。真係好嘆。