國慶日前夕，有朋友推介迪士尼探索家酒店中菜餐廳雲龍軒，剛推出中式點心放題。由現在開始至11月26日。每個週六、日及公眾假期。成人價$328 加一，小童價$198 加一，六十歳長者如持有樂悠卡或長者卡，都可以用小童價，去享用兩個半小時中式點心自助餐。午巿服務時間是12:30 至15:00。心想疫情之後都無飲過茶食個包。國慶當日走去探索家酒店去食返餐。
我自己打去酒店預先訂位，熱線：35102000。食客可以上Openrice雲龍軒專頁去訂枱或登入官網訂枱。前往探索家酒店，可乘搭港鐵至迪士尼站。再轉乘接駁酒店穿梭巴士。每十分鐘一班車。遊客請看清指示牌，是次出發去探索家酒店。如是自駕遊人士，酒店消費滿五百元有兩小時免費泊車服務。
到達大堂後往下層就係中菜館雲龍軒餐廳。目測下好多枱客都係一家大細，家庭聚會式去飲茶食點心。如是想搞私人包房，都有包廂房提供。我點過用那種茶後便可自行去 Buffet Line 走一圈。因天口熱，所以點咗菊花茶。傳統中式酒樓，約三五知己食點心，環境衞生麻麻。但傳統中式茶樓已日漸昔微。如看過李婉華去上環蓮香樓個視頻，佢自己本人講係温哥華唐人街，都食唔到傳統中式茶樓風味。
參觀完個 Buffet Line，發現雲龍軒中菜館，可以將傳統廣東人飲茶文化提升至另一個境界。員工全部穿上整齊制服。廣東式擺設放係枱上好親切。連舊式涼茶舖個擺設都有，還原返放係枱上。自覺走進時光隧道，重返中上環一帶既涼茶舖、點心檔及大排檔。因本人自少在中西區長大，八九十年代的食肆回憶，馬上湧上心頭。時至今日，港人對飲食講究程度不斷提升。食物質素、餐廳橫裝及服務態度都有增無減。
先嚟個生滾靚粥，傳統要填紙仔下單。依家選好配料後交給職員。等十分鐘後自取。個粥好綿滑。配料花生、班塊、皮蛋、雞肉，全部採用上等食材。好耐都無食過咁香滑爽口既靚粥。之後自取中式傳統點心。蝦餃、燒賣、春卷、腸粉、叉燒包等等係頭選。每款點心造到好精緻，叉燒包造到似米奇頭。每款點心都好美味。傳統點心巿價大約$40一籠，每籠點心都造到好大個。但因這裏是點心放題。每款點心造到好細份。方便食客食多幾款不同點心。我個人建議加入少量放係Buffet Line枱上既銀魚醬。每樽單售$158。混入中式點心，滋味無窮。
鳯爪用個煲去焗。食到原汁原味既感覺。豬肚洗到好乾淨，可以放心食用。自助餐還加設傳統港式街頭小食如碗仔翅及墨魚片等等。喜歡旺角街小食可以慢慢品嚐。
食到一半，有職員公告，食客可以去 Buffet Line 同隻「琵琶鵝」打卡。之後職員會送上食枱。事後上網才知，這種琵琶鵝係用古法炮製。因完成品形狀像樂器中的琵琶，因而得名。因製作需時，好多傳統酒樓已停售這款美食。估唔到今次有幸食到這款人間美食。燒鵝肉質彈牙，加入秘製醬料，味道同鏞記及深井有別。鏞記比較乾身。放便帶上飛機。深井燒鵝肉質嫩滑，方便放入瀨粉一齊食。但這款琵琶鵝肉汁份量多，食到好鮮既燒鵝肉。估唔到除咗鏞記同深井，係大嶼山都食到另類極品燒鵝。誠意推介給各位。
最後食甜品及糖水。紅豆沙、西米露及豆腐花。因我貪心想一次過飲三款糖水。每款我只拿三份一。一次過飲到三款美味糖水，感覺好抵。其他甜品如啫喱糕、桂花糕、奶皇包等，都好精緻。個人推介一定要食咖啡凍糕。味道帶點咖啡味但係食落係啫喱狀。好有特色。
全年通行證有折扣優惠。食客埋單時可選購 Dinning Voucher，網址連結 bit.ly/3POfpDZ 去獲取額外商品優惠。
用饍完畢，走去附近一間星航圖咖啡廳。見到廚窗擺咗多款最新迪士尼造型蛋糕。如想預訂派對蛋糕，搞返個生日會。請先在48小時前預訂。網官有派對蛋糕價目表。
上返大堂，米奇會化身成鍾博士，在下午2:45至3:30同大家合照。如想買最新款迪士尼商品，可以不用入園方式去叢林商店選購。
飯後建議去迪欣湖。返回迪士尼站往巴士站行去迪欣湖，全程十五分鐘。迪欣湖下午7 時關閉。
題外話：
飯戲攻心有句金句，「屋企人喺邊，邊到就係屋企」。
可能是美國感恩節將至，一家人聚首一堂。談天說地，聯絡感情好緊要。花半天時係雲龍軒嘆返個飲靚茶食點心既家庭聚會，就最好不過。
舊式茶樓如蓮香樓及龍門大酒樓已相繼結業。傳統行業如想繼續營運。食物、橫裝及服務質素要不斷提升。滿足到消費者將來期望。 奇幻魔法屋是2021年感恩節動畫。曾奪得第79屆金球獎最佳動畫及2022年奧斯卡最佳動畫大獎。讀者可以觀看本人寫的影評：奇幻魔法屋的真人版劉大偉。2022年11月迪士尼係 Hollywood Bowl 舉行兩場真人版音樂劇。原用返動畫版配音演員，重新用華麗電子屏幕去說故事。我雖然無緣置身場內，但現在觀眾可以登入D+ 重温這個音樂劇版本既 Encanto。食完飯，最好就係一家人上 D+ 睇好戲。
相關資料：
探索更多來自 有夢要想 的內容
訂閱即可透過電子郵件收到最新文章。