熱食便當售賣機

未講今期話題前，先同大家講講2017年我參加咗第一次30公里賽的揹水一戰。參賽者是要在法定時間8個半小時內，揹着4.5kg (約10磅重) 水樽，走畢全程30公里越野賽道。係最後10公里賽道，有一個補給站。可供參賽者食杯麵。但因拿取杯麵及加熱水排哂長龍。加咗熱水後又要等3分鐘先有得食。計埋食用時間分分鐘可以用上半小時。因我要趕路，無可能用上30分鐘去食個杯麵。我最後只用了5分鐘小休，補充水份及食能量啫哩糖。令自己有飽肚感覺下再跑畢餘下里數。當時忽發奇想，如果係補給站有熱食便當售賣機，跑手唔駛排長龍快食快跑，咁就可以做出理想成績。詳見揹水一戰2017 第一次完成揹水30公里賽。估不到數年後真係有熱食售賣機出現。

疫症期下，打工仔在放午飯時間食桌難求。有幸觀看 Poor Travel 香港影片及 EC BENTO創辦人林韋鋒在 Viutv 的訪問。發現 EC Bento 發明自動售賣機及手機程式以共享外賣方式同餐廳合作。EC Bento 提供網上銷售平台及手機程式，不會參與製作便當。我個人下載手機程式，係24小時前 pre order。原價$70的韓式吉列豬扒粉絲飯。新會員可享用$10節扣。即我只花$60。選取地點全部都係醫院。只有一個點是體育館。位置在觀塘曉光街。我個人唔想去醫院。走咗去體育館取飯盒。但原來個供應商只方便辦公行政人員，我不是體育館工作人員。要自行取飯盒拿回家。個熱櫃當天壞咗，個飯盒係凍既。吉列豬扒飯賣相滿分，肉質鮮嫩。客服知道個熱櫃無保温作用，隔天以作出退款服務。這種服務主要針對政府大樓，大型商業機構及大學。

另一個便當售賣機是和田便當。主要銷售日式便當。創辦人 Jason 研發出日式便當售賣機。當中會參與製作便當。以日式煮法去造出日式便當。我個人專登走數碼港和田總店購買個招牌鰻魚飯便當。用八達通購買便當。個飯盒加杯自家製奶茶都係$66。購買時間每日12時正至下午1時半。逢星期一至星期五。用自動售買機購買。個飯盒温度適中。個飯盒買完走去 food court 坐位食便當。個便當賣相好正。筷子包裝有牙籤。鰻魚肉好新鮮。加埋醬汁就有日本風。個飯用日本米。食得出同泰國米有唔同。個蛋造到好美觀。食落好彈牙。杯自家製奶茶好滑好飲。下次要試下自家製中湯。職員講話如果食客可以選擇熱湯作飲品。無時間煮湯的食客可以品嚐老火中湯的滋味。我嘗試用登入網頁作出 pre order。但沒有 pre order 服務。

最後推介馬會推出「自在食」速凍餐自助提取機服務，由社區廚房每天製作熱食飯盒，為居住環境欠佳人士和家庭提供為期最長一年的免費熱食飯盒支援服務。合資格的受助人將獲取12個月的熱食服務，以補足其基本生活需要，解決燃眉之急。詳見賽馬會逆境同行食物援助計劃。受惠人士可使用熱食售賣機去提取便當。

上年10月我寫下格仔外賣成逆巿新趨勢專欄，推介智能熱櫃的用處。方便餐廳聯合智能熱櫃，私人屋苑的住客可以提取熱辣辣的飯盒。今日的自動便當售賣機方便上班一族去解決食飯問題，還可以幫助生活有困難的港人提供免費飯盒。係香港低收入住宅區已經有部份餐廳提供免費派飯盒援助計劃。希望在不久將來疫症過後，再次揹上水樽跑越野賽，有熱食便當售賣機係補給站。咁就唔駛排長龍捱杯麵。